Afar qof oo dil Arxan darro ah loogu gaystay Hiiraan
-
- Posted On 20-05-2017, 08:39PM
BALADWEYNE, Somalia- Kooxo hubaysan ayaa dil arxan darro ah ka gaystay duleedka degmada Baladweyne ee xarunta gobolka Hiiraan, halkaasoo lagu khaarajiyay Afar qof oo kala ahaa Labo Hooyo iyo Labo qabdhood oo ay kala dhaleen.
Dilkan ayaa ka dhacay duleedka degmada Baladweyne gaar ahaan deegaan lagu magacaabo Baar oo 30KM dhinaca Galbeed.
Sida ay sheegeen dad goob joogayaal ah dilka ayaa dhacay galinkii dambe ee maanta, waxaana Afartaasi ruux loogu tagay hoygooda.
Kooxdii dilka gaysatay ayaa sidoo kale gubay hoygii ay lahaayeen dadka la laayay.
Waxay ku sheegeen sababta loo dilay inay tahay mid la xiriirta aano-qabiil.
Malleeshiyada dilka geystay ayaa lagu soo waramayaa in dilka kadib ay goobta isaga baxsadeen. Dadka deegaan ayaa soo sheegaya in ay jirto xiisad ka dhalatay dilka shacabka.
Deegaanada ku yaalla gobolka Hiiraan qaarkood ayaa waxaa sanadihii dambe ka jiray Dagaal Beeleedyo dad badan ay ku dhinteen, kuwaasi oo ay dad badan oo shacab ah lagu dilay, qaarna lagu dhaawacay.
Dhacdooyinka noocan ah ayaa horay uga dhacay marar kala duwan Koonfurta dalka Somalia, waxaana lagu dilay haween iyo carruur loo laayay anooyin Qabiil.
Majirto wax war ah oo ilaa hadda kasoo baxay maamulka gobolka gobolka Hiiraan.
Raggii dilka gaystay ayaa koobta ka baxsaday iyo ilaa hadda aan war laga hayn goobta ay jaan iyo cirib dhigeen.
Dhanka kale, wararka naga soo gaaraya gobolka Shabeellaha dhexe aya sheegaya in Shil-gaari oo ay ku geeriyoodeen afar qof uu ka dhacay deegaanka Ceel-macaan.
Shilka ayaa yimid markii ay isku dhaceen Labo gaari oo nooca Xamuul qaada oo dad badan saarnaayeen, sida uu Goobjooge u sheegay Warsidaha Garowe Online.
GAROWEONLINE
