Al-Shabaab oo hanjabaad u dirtey qabaa’ilka dagaalada ku qaadey

Maleyshiyadda gacansaarka la leh Al-Qaacida ayaa sidoo kale waxay ka jawaabtey hadal kasoo yeeray Xasan Sheekh.

MUQDISHO, Soomaaliya - Maleyshiyadda Al-Shabaab ayaa ugu hanjabtay qabaa’ilka Soomaaliyeed ee taageeraya dowladda federaalka in ay gu geysanayaan wax uu ku tilmaamay "gacan adag".

Hanjabaadda ayaa ka soo yeertay Afhayeenka Al-Shabaab Cali Dheere oo ka hadlay munaasabad ay ku qalin jabinayeen dagaalameyaal tiradooda lagu sheegay 500 mitidiin Al-Shabaab ah.

Axadii todobaadkan ayay ahayd ka gadaal markii dowladda federaalka ayaa sheegtay in howlgalo ay ku dishay 200 maleeshiyo ah, lagana saarey ku dhawaad ​​30 deegaano.

Dhawaqa Cali Dheer ayaa u muuqda mid jawaab u ah hadalkii dhawaan ka soo yeeray Madaxweynaha ee dadka ku baraarujiyay in ay ka fogaadaan goobaha Al-Shabaab.

Dhankiisa, horjoogaha xoogaga gacansaarka la leh shabakadda argagixisadda ah ee Al-Qaacida ayaa waxa uu dadka ugu baaqayaa in ay ka fogaadaan xarumaha dowladda.

Xasan Sheekh Maxamuud ayaa todobaadkan Mareykanka u tagay taageero dheeraad ah oo ka dhan ah maleyshiyadda Al-Shabaab iyo ololaha dadka degaanka ee lagu dabar-goynayo kooxda.

“Al-Shabaab waa bartilmaameed, qof walba oo Al-Shabaab ah waa bartilmaameed...waa la duqeyn doonaa, waa la weerari doonaa, waa lagu duuli doonaa… ka fogow iyaga,” ayuu yiri todobaadkii hore.

Al-Shabaab oo ah khatarta ugu weyn ee ammaanka Soomaaliya ayaa muddooyinkii ugu dambeeyay waxay cadaadis kala kulantey dadka shacabka ee degaano dhowr ah markii ay ka gudubtey ceelal.

GAROWE ONLINE