Bandhig ka furmay Muqdisho
-
- Posted On 27-08-2015, 05:21PM
27 August, 2015 (GO)- Waxaa magaalada Mudisho ee xarunta Somalia ka furmay bandhig Buug oo loogu magaca (Mogadishu International Book Fair), kaasoo socon doona 3 maalmood.
Bandhigan ayaa waxaa ujeedkiisa lagu sheegay, Kobcinta Dhaqanka, Qoraalka, Akhriska, Buuggaagta, Cilmiga iyo aqoonta.
Maxamed Sheekh Cali Axmed "Diini" Aasaasaha New Horizon oo hadal ka jeediyay goobta ayaa sheegay in baahi loo qabay bandhiga buugaagtan.
“Waa guul u soo hoyatay inta Af-Soomaaliga ku hadasha, In la hanaqaadsiiyo akhriska, qoraalka, waxay horseedi karta nabad iyo barwaaqo. Horumarka iyo hantida ugu qiimaha badan ee aan haysanno waa maskaxdeenna inaanu daryeelana waa waajib” Ayuu yiri Diini.
Bandhiggan ayaa waxaa si rasmi ah u furay ku xigeen duqa Muqdisho ee dhanka arrimaha Bulshada, Iimaan Xaaji Iikar wuxuuna bogaadin u jeediyay carwada oo uu ku sheegay inay tahay mid dhiirri-gelin ah.
Bandhiggan ayaa noqonaya kii ugu ballaarnaa oo lagu qabto magaalada Muqdisho intii ka danbaysay 1991-dii.
GAROWEONLINE
