Barlamanka Somalia oo ka doodaya hannaanka doorashada
-
- Posted On 03-05-2016, 01:31PM
MUQDISHU- Kulan maanta ka bilowday xarunta Barlamanka Somalia ee magalada Muqdishu ayay uga doodayaan hannaanka loo marayo doorashada dhacaysa dabayaaqada sannadka 2016.
Qorshaha Xildhibaanada Somalia ka doodayaan, waxaa dhawaan u gudbiyay Ra'isal wasaare Cumar Cabdirashiid, isagoo ka codsaday inay si dhaqso ah u meel mariyaan.
Howshan Barlamanku wadaan waxaa warbaahinta u xaqiijiyay mudane golaha shacabka Somaliyeed oo lagu magacaabo axamed Cumar Maxamuud.
Xildhibaannada ayaa ansixin doona qorshaha, haddii ay u arkaan in uu ku habboon yahay in loo maro doorashooyinka dalka.
Dowladda federaalka ah ee Soomaaliya iyo maamul-goboleedyada dalka ayaa dhawaan isla ghaaray heshiis dhihgaya hannaanka doorashada la filayo inay dhacdo dabayaaqada sannadkan 2016-ka.
Balse, waxaa jira dadaalo kale oo hogaanka Barlamanka iyo xukuumaddu ku doonayaan in muddo labo bilood ah loogu daro, taasoo kasoo horjeesteen Xildhibaanada Barlamanka Somalia.
GAROWEONLINE
