Bukhaari oo loo doortay Guddoomiye ku-xigeenka 1aad Aqalka Sare
-
- Posted On 22-01-2017, 01:24PM
MUQDISHU, Somalia- Doorasho aad u adkayd oo ay ku tartameen murashaxiin dhowr ayaa islamarkaan gaartay ilaa saddex wareeg ayaa markii dambe waxay guushu raacday Musharax Abshir Mukhaari oo loo yaqaan Bukhaari.
Murashaxan ayaa helay codad gaaray 30, halka mudanaha kale ee wareegga saddexaad kula tartamay ee Axmed Cabdi Dhuxuloow uu helay 22 cod.
Guddiga qaban-qaabada doorashada Aqalka Sare, ayaa ku dhawaaqay natiijada, waxaana la sheegay inuu yahay Guddomiyaha koowaad mudane Bukhaari oo kamid ahaa dhalinyaradii golahaas ku matalay maamulka Galmudug.
Waxaa hadda la aadayTukashada Salaada Duhur iyo Qado, waxaana la soo laaban doonaa 02:00 duhurnimo xilligaas oo bilaaban doonta Doorashada Guddoomiye ku xigeenka Labaad ee Aqalka Sare, oo ay ku tartamayaan ilaa 7 Musharax, kuwaas oo kala ah;Hodan Maxamuud Cusmaan.
Osmaan Axmed Maxcow
Iftiin Xasan Baasto
Fartuun Cabdulqaadir Faarax
Sacdiyo Xasan Cusmaan
Mowliid Xuseen Guuleed
Cabdikaafi Macalin Xasan.
Waa markii ugu horaysay taariikhda Somalia ka dhacdo doorashada guddoonka Aqalka sare oo hadda la yagleelay.
GAROWEONLINE
