Ciidamada dowlada iyo Ahlu Suna oo ku dagaalamay Guriceel
-
- Posted On 10-02-2015, 06:48AM
February 10, 2015 (GO)- Iska hor imaad u dhexeeya ciidamada Dowladda Federaalka iyo mileeshiyaad ka tirsan Ahlu Sunna ayaa saaka ka dhacay duleedka degmada Guriceel ee gobolka Galguduud.
Dagaalka oo sida lagu soo warmayo aad u cuslaa wuxuu bilowday kadib markii mileeshiyaadka Ahlusunna soo weerareen fariisin ciidamada dowalda ku leeyihiin duleedka Guriceel.
Faah faahin dheeri ah lagama hayo dagaalka balse wararka hordhaca ah ayaa sheegay in uu jiro khasaare labada dhinac soo kala gaarey.
Labo bilood kahor ayey ahayd markii sidan oo kale ciidamada Dowlada Federaalka iyo mileeshiyaadka Ahlu Sunna ugu dagaalameen isla degmada Guriceel.
Dagaalkan ayaa kusoo aadaya xilli maanta oo Talaado ah lagu wado in Madaxweynaha Somalia Xasan Sheekh Maxamuud booqasho ku tago degmada Dhuuso-mareeb ee xarunta gobolka Galguduud.
GAROWE ONLINE
