Dad ku dhintay Qarax ka dhacay Muqdishu
-
- Posted On 13-03-2017, 10:19AM
MUQDISHU, Somalia- Qarax Ismiidaamin ay, ayaa saaka ka dhacay magaalada Muqdishu, ee caasumdda dalka Somalia, kaasoo gaystay khasaaro kala duwan.
Goob-joogayaal la hadlay Warsidaha Garowe Online, ayaa xaqiijiyay in Weerar loo adeegsaday Gaari Nooca HOMY-da ah.
Weerarka, waxaa lala beegsaday Dugsiga Tababarka Milliteriga ee Jeneral Dhega-badan ee degmada Wadajir.
Gaariga ayaa ku qarxay Nawaaxiga Warshadii hore ee Nac-naca, balse waxaa lala damacsanaa xero tababar ciidan oo ku taalla nawaaxigaas.
Askari katirsan ciidanka dowladda Somalia ayaa rasaas ku furay Gaariga markii uu Darawalkiisa ka dhega-adeegay inuu ka joojiyay Bar-koonatrool oo ciidamada AMISOM ku sugan yihiin halkaasoo ah goobta laga Dugsiga Tababarka Jeneral Dhega-badan.
Inta la ogyahay 3 ruux ayaa ku dhimatay qaraxa, iyadoo 5 kale oo labo kamid ah ay yihiin Carruur waxbarasho u socotay.
Wali ma jirto cid sheegatay mas'uuliyada Qaraxa, balse waxa uu noqonayaa midkii labaad oo caasumadda ka dhacay mudo labo maalmood ah, kuwaasi oo geystay khasaarooyinka kala duwan.
Dhinaca dowladda Somalia lafteeda kama aysan hadlin qarax iyo amniga muqdishu oo muddooyinkii dambe sii xumaanayay.
GAROWEONLINE
