Dhageyso: Khudbad madaxweynaha Jubbaland doorashdiisa kadib
-
- Posted On 15-08-2015, 06:47PM
15 August, 2015 (GO)- Madaxweynaha dowlada Jubbaland mudane Axmed Maxamed Islaam ayaa khudbad kooban jeediyay ka dib markii mar kale maanta loo doortay Madaxweynaha maamulkaas.
Mudane Axmed Maxamed Islaam oo sheegay inuu khudbadiisa dib ugu dhigtay waqtiga caleemo saarka ayaa mahadcelin balaaran u jeediyay xubnaha ka socda dowladda Federaalka, beesha caalamka iyo marti sharafta ka qayb gashay doorashadda Jubbaland.
Madaxweyne Axmad Madoobe ayaa mahadcelin balaaran u jeediyay dhamaan golaha Baarlamanka Jubbaland wuxuuna sheegay in Jubbaland ay ku dhisan tahay dib-u-heshiisiin waxaana uu xusay in gogosha Soomaaliyeed ay taalo Kismaayo.
‘’Horay ayaan waxaan u iri Kismaayo ninkasta oo Soomaaliyeed oo yimaada marti kuma noqonayo, saa-qaraabuu magaalada ka helayaa’’ ayuu yiri Axmed Madoobe.
Mudane Axmed Maxamed Islaam ayaa maanta mar kale loo doortay Madaxweynaha Jubbaland,waxaana hambalyadii ugu horaysay u diray Madaxweynaha Puntland Dr. Cabdiweli Maxamed Cali ‘’Gaas’’.
GAROWEONLINE
