Doorshada xubnaha Aqalka Sare ee Koonfur Galbeed iyo Jubbaland oo socota
-
- Posted On 19-10-2016, 01:11PM
BAYDHOBO, Somalia- Waxaa ka socda magaalooyinka Kismaayo iyo Baydhabo oo xarumo u ah maamullada Jubbaland iyo Koonfur Galbeed, codbixinta Xubnaha u matali doona Aqalka sare ee Barlamanka Federaalka Somalia.
Xildhibaanada Baarlamaanka ee Labadaas Maamul goboleed ayaa gudagalay inay cod ku kala saaraan murshaxiinta u loollamaya ka mid noqoshada xubinnimada Aqalka Sare.
Mas'uuliyiin sare oo ka socdo dowldda Waqtigeedu dhammaaday ee Somalia iyo Koonfur Galbeed ayaa ku sugan hoolka doorashada ka socoto, iyadoo codbixinta samaynayaan Xildhibaanada maamulkaas.
Wariye ku sugan Goobta Doorashada ayaa GO u sheegay in 16 Musharax, oo Haween kamid yihiin u tartamayaan Kuraasta la siiyay Koonfur Galbeed oo ah 8 Kursi.
Waxaa xubinta ugu horeysa Aqalka sare ee Koonfur Galbeed ku guuleystey Cabdikaafi Macallin Xasan oo heley 88 cod.
Dhinaca kale wararka aan ka helayno hoolka Barlamanka Jubbaland, ayaa sheegaya in goordhow lagu dhawaaqi doono xubnaha kusoo baxay doorashada.
Shalay ayay aheyd markii Baarlamaannada Jubbaland iyo Koofur Galbeed ay dhageysteen khudbadaha murashaxiinta u taagan qabashada kuraasta Aqalka Sare ee labadaas maamul.
Wararka Doorashada Aqalka Sare ee Baydhobo iyo Kismayo kala soco www.garoweonline.com
GAROWEONLINE
