Duqii Afgooye ee gobolka Shabelaha hoose oo qarax lagu diley
-
- Posted On 19-01-2015, 01:23PM
AFGOOYE Jan 19, 2015 [GO]- Duqii degmada Afgooye Cali Caddow Cali ayaa maanta ku dhintay qarax miino oo lala beegsaday baabuur uu watay oo marayay jidka u dhaxeeya Muqdisho iyo Afgooye.
Qaraaxaan oo ka dhacey degaan la yiraahdo Xaawo Cabdi ayaa waxaa ku dhintey Labo Askari [ ilaalo ] halka ay ku dhaawacmeen Sadex Qof shacab ah.
AHN Cali Caddow ayaa u socdey nolol maalmeedkiisa shaqo isaga oo ka yimid magaalada Muqdisho kuna socdey degmada Afgooye.
Ururka Al-shabaab ayaa qirtey mas'uuliyada weerarkaan lala beegsadey gaariga uu saarnaa duqa degmada Afgooyo.
Kooxda Al-Shabaab oo laga saarey magaalooyinka waaweyn ee ku yaala Koonfurta Somalia ayaa weeraro gaadmo la eegta ciidamada amniga iyo saraakiisha dowlada Federaalka ah ee Somalia.
GAROWEONLINE
