Gaari walxaha qarxa laga buuxiyay oo Muqdishu lagu qabtay
-
- Posted On 04-04-2016, 02:13PM
MUQDISHU- Ciidamada ammaanka dalka Somalia, ayaa maanta magalada Muqdishu xarunta ku qabtay gaari laga soo buuxiyay walxaha qarxa kaasi oo marayay illinka hore guriga hooyooyinka magaaladaasi.
Gariga ayaa ciidamada hay'adda Nabad Sugidda ee NISA, waxay kusoo wargaliyay shacabka magalada, waxaana iyagoo xogtaasi adeegsanaya u suura gashay in la qabto ka hor intuusan oofin qorshihii loogu talagalay.
Walxaha qarxa ayaa lagu qariyay qaybta dambe gaariga oo nooca raaxada ah., waxaana laamaha ammaanku ku fur-fureen goobtii lagu qabtay.
Arrintan ayaa timi xilli dhawaan la fashilayay gaari sidaan oo kale laga soo buuxiyay waxyaabo qarxa, waxaana falkaasi lagu eedeeyay kooxda Shabaab oo la sheegay inay damac sanaayeen dhibaataynta shacab Somaliyeed.
Amniga Muqdishu, ayaa wali ahayn mid sugan, shalay ayayna ahayd markii hoobiyaal lagu garaacay xarunta Villa Somalia.
GAROWEONLINE
