Guddiga doorashada oo Barri la shaacinayo
-
- Posted On 23-01-2017, 09:09PM
MUQDISHU, Somalia- Guddoomiyaha golaha Barlamanka Somalia, Maxamed Sh. Cismaan (Jawaari) ayaa maanta xafiiskiisa magaladda Muqdishu ku qaabiley Guddoonka Aqalka sare ee dalka ayagoo ka wada hadlay sidii loo xoojin lahaa wada shaqaynta labada gole isla markaana ay u dhexmari lahayd wad shaqayn ku dhisan horumarinta, midnimadda iyo adkaynta Qaranimo Somalia.
Kulankaas ayaa Guddoonka labada aqalka isku raaceen in dhakhso loo sameeyo guddiga doorashada islamarkaana la shaaciyo maalinta barri ah oo taariikhdu tahay 24 January, 2017.
Guddiga ayaa ka shaqeyn doonta doorashadda madaxweynaha hanaanka ay u dhacayso iyo ku dhawaaqida xiliga rasmiga ah ee la qabanadda doorashadda madaxweynaha.
Dhanka kale,guddoomiyaha golaha shacabka Soomaaliyeed Mudane Maxamed Sh. Cismaan (Jawaari) ayaa xafiiskiisa qaabilay Jabriil Ibraahim Cabdulle oo kamid ah musharaxiinta u taagan qabashada xilka mdaxweynaha, waxayna ka wada hadleen arimha doorashadda madaxweynaha.
Mudane, Maxamed Sh. Cismaan (Jawaari) ayaa Musharax Jabriil Ibrahim Cabdule gudoonsiiyey buugaaga ay ku qoranyihiin taxanaha doorashadda golayashaaha Sharci dajinta qaranka laga soo bilaabo sanadkii 1959-kii iyo habraaca iyo xeer hoosada u gaarka ah doorashadda madaxweynaha soomaaliya.
GAROWENLINE
