Gudiga Doorashada oo diiday Xildhibaano lagu doortay Jowhar
-
- Posted On 27-11-2016, 01:18PM
MUQDISHU, Somalia- Guddiga Federaalka Hirgelinta Doorashooyinka Dadban ee Somalia (GFHDD), ayaa diiday Natiijada Doorasho Shalay ka dhacday magaalada Jowhar ee xarunta maamulka Hir-Shabeelle.
Doorashada oo ahayd Labo Kursi oo leeyihiin Beelaha Abokar iyo Aqoonyare oo katirsan Harti-Abgaal, ayaa waxaa kusoo baxay Wasiir dowlaha Wasaaradda Maaliyadda Somalia Cabdullaahi Macallin Nuur iyo Xildhibaan Maxamed Abukar Islow (Ducaale).
Guddiga ayaa War Saxaafadeed uu soo saarey ku sheegay in go'aankooda uu ka dambeeyay markii ay arkeen in Doorashada Kuraasta Saddexda ah ee Beelaha Abokar iyo Aqoonyare aysan kasoo muuqan qof dumar ah, taasina ay jebinayso Heshiiska Doorashooyinka Qoodada Haweenka (30%).
Warqad loo diray Gudiga Hergelinta Doorashada Heer Gobolka ee Maamulka Hir-Shabeelle ayaa lagu wargeliyay in Kuraastii lagu doortay Shalay aysan uusan ahayn kuwa sharci ah, sidaasi darteedana waxba kama jiraan yihiin Guusha Doorashada Xildhinaabada Cabdullaahi Macallin Nuur iyo Xildhibaan Maxamed Abukar Islow (Ducaale).
Waa Go'aankii ugu horeeyay oo Gudiga Doorashada si cad ugu diidaan Natiijo Doorasho oo ka dhacday dalka, waxaana laga war sugayaa Jawaabta Gudiga Doorashada Hir-Shabeelle ka bixin doono War Saxaafadeedka (GFHDD).
GAROWEONLINE
