Gudoomiyaha degmada Qardho oo ka hadley mashaariicda degmada
-
- Posted On 15-11-2014, 12:53PM
November 15-11-2014(GO)- Gudoomiyaha degmada Qardho Maxamed Siciid oo u waramayay Radio Garowe ayaa ayaa sheegey in dhismayaal wadooyin laga hirgalinayo magaalo madaxda gobolka Karkaar kuwaasoo isugu jira Laami iyo carratuur, balse waxa uu tilaamay in socod siinta Mashaariicdaan caqabad ku yayaan qaar ka mid ah shacabka oo aan fahan sanayn danta guud.
Duqa degmada ayaa tilmaamay inay wadaan wacyi galin la xiriirta arimahan si loo socod siiyo mashaariicaha ay ka wadaan degmadaas.
Barnaamijka JPLG oo wadamada midowga Yurub maalgaliyaan ayaa degmooyinka golaha degaanka ka shaqeeyo waxey siyaan tageero dhaqaalo oo ay ku dhistaan mashaariicda hurumarinta wadooyinka.
Degmada Qardho ayaa kamid ah magalooyinka ka hela mashrucaan JPLG ee wadooyin isugu jira Laami iyo kuwa kale lagu dhiso iyadoo dadweynaha degaanka laga rabo iney maamulka degmada kala shaqeyaan sidii loo hirgalin lahaa.
GAROWEONLINE
