"Hogaamiye" xabsi loogu xukumay in uu calan gubay
-
WARIYAHA WASHINGTON GAROWE ONLINE
- Posted On 24-08-2021, 09:06AM
WASHINGTON, USA - Hoggaamiyaha kooxda Proud Boys ee midigta fog ayaa lagu xukumay ku dhawaad lix bilood oo xabsi ah markii uu gubay calankii Black Lives Matters ee la xaday bishii December, 2020.
Enrique Tarrio, oo 37 jir ah, ayaa qirtay dambiga ah inuu gubay calanka isla markaana isku dayay inuu haysto qalab loo adeegsado lagu rido rasaasta ama xabadaha oo aad u weyn.
Isagoo Isniintii ka soo muuqday muuqaal ay faafisay maxkamadda, Tarrio ayaa raaligelin bixiyay wuxuuna sheegay inaysan jirin "wax cudur daar ah" oo ku aaddan ficilladiisa.
Xabsiga ayaa loo dhaadhicin doonaa 6 -da September si ay ugu bilaabato maalmaha jeelka oo 155 casho ah.
Dacwad oogayaasha ayaa sheegay in Tarrio iyo xubnaha kale ee Proud Boys ay calanka ka saareen Kaniisadda Asbury United Methodist taariikhdu markay ahayd 12 Disembar kadibna ay dab qabadsiiyeen.
Dhacdadan ayaa qeyb ka ahayd banaanbaxyo lagu taageersan yahay Trump laguna diidanaa guushii Joe Biden ee doorashada. Dhowr maalmood ka dib, Tarrio wuxuu qirtay inuu qeyb ka ahaa dambiga.
Proud Boys waa koox xagjir midigta fog ah ayna xubnaheedu yihiin dadka aaminsan sareynta dadyowga cadaanka ah ee Mareykanka, halka Black Lives Matters uu yahay olole lagu taageerayo dadka madowga.
GAROWE ONLINE
