Jawaari: Gogol nin weyn wax ka doonto mataalo Baydhabo

Guddoomiyihii hore ee Golaha Shacabka ayaa la sheegay in loo diidey u tartamida kursi.

BAYDHABO, Koonfur Galbeed – Maxamed Cusmaan Jawaari ayaa xaqiijiyey in "ku takrifal awoodeed oo daahfuran" looga reebay u tartamida kursiga Golaha Shacabka baarlamaanka 11aad ee federaalka ee waddanka.

Cawaaqib-xumo la xiriirta "in ay burburto dowladnimada haatan jirta" ayuu ka digay haddii sidaan wax kusii socdaan. Jawaari ayaa kasoo baxay Baydhabo.

Madaxtooyadda Koonfur Galbeed iyo odayaasha dhaqanka ayaa ka garamaya masiirka kursigan. "Beesha leh kursiga ayaa kaliya go'aaminaysa cidda ku fadhiisanaysa," ayuu ku daray.

Jawaari oo raadinaya xubinimadda Aqalka Hoose markii labaad ayaa Koonfur Galbeed wuxuu ku sifeeyay "gogol gobeed oo nin weyn i wax ka doonto mataalo Baydhaba".

"Anigu meeshaan Baydhabo ah iyo Koonfur Galbeed markaan qiyaasay ma taallo oo ma fidsana gogol nin odey ah oo gob ah uu wax kasoo doonto," ayuu raaciyey hadalkiisa.

Jeneraal Cabdalla Cabdalla, taliye ku xigeenkii hore ee hay'adda sirdoonka Qaranka oo qoraal ku daabacay ciwaankiisa gaarka ah ee Facebook, ayaa difaacay hadalka Jawaari.

"'Gogol gobeed oo nin weyn i wax ka doonto mataalo Baydhaba' waa war culus, waxaan la mid dhammaan maamul goboleedyadda kale; ceeb iyo fadeexad ayay doorashadii noqotay, istaaf iyo askar iyo ciidan ajnabi ah oo Kor ka waardiyeya ayay kusoo aruurtay," ayuu xusay.

Jawaari ayaa laba jeer noqdey afhayeenka Golaha Shacabka. Waa mid kamid ah siyaasiyiinta loogu xormaynta badan yahay siyaasadda Soomaalida. Hase ahaatee, in uu mucaarad ku ahaa maamulka Farmaajo ayuu eersanayaan.

GAROWE ONLINE