Jubaland oo ka digtey mooshinka loo gudbiyey Barlamaanka Somalia
-
- Posted On 24-05-2015, 05:34AM
May 24, 2015 (GO)- Jubaland ayaa ka digtey mooshinka ka dhanka ah baarnlamaanka Jubaland ee loo gudbiyey baarlammaanka Soomaaliya. War-saxaafaeed kasoo baxay xafiiska af-hayeenka Jubaland ayaa lagu sheegay in mooshinkaasi caqabad ku noqon doono hirgelinta nidaamka federaalka iyo weliba xiriirka ka dhexeeya Dowladda Federaalka iyo Jubaland.
War-saxaafadeedka waxa sidoo kale ku xusan in Dowladda Federaalku qaadi doonto mas'uuliyadda cawaaqib xumada ka dhalata mooshinkaas oo lagu tilmaamey inuu yahay mid sharci darro ah.
Shalay oo Sabti ahayd ayaa qorshuhu ahaa in mooshinka cod loo qaado, balse dib aya loo dhigey kadib markii kooramku buuxsami waayey.
GAROWE ONLINE
