Jubbaland: Howlgal qaraxyo lagu qabtay oo ka dhacay Kismaayo

Image

KISMAYO, Jubbaland - Ciidamada Nabad Sugidda maamulka Jubbaland ayaa gacanta ku dhigay waxyaabo qarxa iyo raggii watey kadib howlgal ay ka fuliyeen qeybo kamid ah magaalada Xeebta leh ee Kismayo.

Afhayeenka Hay'adaha amniga Jubbaland Axmed Maxamed Maxamuud (Carab), ayaa u sheegay warbaahinta in qaraxyada iyo raggii farsameynayay laga soo qabtey guri ku yaalla gudaha Kismaayo.

Wuxuu sheegay Axmed in shacabka ay siiyeen ciidamada Nabad Sugida Jubbaland xogta sahashay inay soo qabteen qaraxyadan, kuwaasi oo la doonayay in lagu dhibaateeyo shacabka.

"Ciidamada waxay ku guuleysteen inay kahor tagaan qaraxyo ka dhici lahaa Kismaayo, oo cadowga ay ku maleegayeen guri ku yaalla gudah magaalada," Ayuu yiri Afhayeenka Laamaha Amniga Jubbaland.

Axmed Carab fahfaahin dheeraad ah kama uusan bixin Howlgalka lagu soo qabtey Miinooyinka iyo tirada ragga ay gacanta ku dhigeen, balse waxa uu tilmaamay in warbaahinta usoo bandhigi doonaan maalmaha soo aadan.

Amniga Kismaayo ayaa mudooyinkii dambe ahaa mid aad u wanaagsan, kadib markii la xoojiyay howlgallada lagu xaqiijinayo ammaanka.

GAROWEONLINE


Related Articles

Maraykanka oo Sheegay In Uusan Wadahadallo Kula Jirin Somaliland Si Loo Aqoonsado

Madaxweyne Trump ayaa dhawaan mar kale muujiyay xiisaha uu u qabo arrimaha amniga ee Soomaaliya.

  • Soomaliya

    28-08-2025

  • 05:02PM

Kenya oo Dhex-dhexaadinaysa Xasan Sheekh iyo Axmed Madoobe

Khilaafkan siyaasadeed wuxuu imaanayaa xilli uu muran xooggan ka taagan yahay wax ka beddelka dastuurka.

  • Soomaliya

    28-08-2025

  • 01:02PM