Jubbaland oo dooratay Xildhibaankii ugu dambeeyay Aqalka Hoose
-
- Posted On 24-11-2016, 05:53PM
KISMAYO, Somalia- Maamulka Jubbaland ayaa maanta oo Khamiis ah soo afjaray Doorashadii aqalka hoose, oo 08, 2016 ka billaabatay gudaha magaalada Kismaayo, ee xarunta gobolka Jubbada Hoose.
Ibraahim Maxa'ed Xuseen, ayaa noqday Xildhibaankii ugu dambeeyay oo lagu doorto Kismaayo, isagoo ku guulaystay 47 Cod, waxaana uu soo xiray 43-ka Kursi ee Jubbaland ka heshay aqalka Hoose.
Ergayga QM ee Somalia Michael Keating, Madaxweynaha Jubbaland Axmed Madoobe iyo Wasiirka Arrimaha Gudaha DFS Cabdiraxmaan Odawaa ayaa ka qeybgalay Munaasabada lagu soo xiray Doorashada Kismaayo.
Intii ay socotay Doorashada, waxaa tartaranka laga reebay Wasiirka Batroolka Maxa'ed Ibraahim Mukhtaar, oo Gudiga Doorashada Jubbaland ku eedeeyay Laaluush bixin, Handadaan shaqaalaha Doorashada.
Jubbaland ayaa noqotay maamulkii ugu horeeyay, ee soo afjaro howsha Doorashada Aqalka Hoose.
GAROWEONLINE
