MUQDISHO, Soomaaliya – Inta la xaqiijiyay 4 Qof oo iskugu jira askar iyo shacab ayaa dhimatay 10 kalana waa ay ku dhaawacmeen goor dhaw ka dhacay maqaayad ku taalla ka soo horjeedka Xero Nacnac Dagmada Wadajir ee Muqdisho Muqdisho.

Qaraxa ayaa yimid kadib Markii Qof Xiran Jaakadda Qaraxa uu isku dhex qarxiyay dad ku Shaahayay Maqaayada oo ay inta badan fariistaan askarta dowladda maadaama ay ku taallo banaanka hore ee xerada ciidamada ee Tur Som.

Gaadiidka Gurmadka deg-dega ah iyo ciidamada Booliska Soomaaliya ayaa gaaray goobta waxaana socda gurmad loo sameyanayo dhibanayaasha sida ay ku warantay wakaaladda wararka ee Sonna.

"Dadka dhintay badankood waa askar goobta ku shaahaysay," sidaas Garowe Online u sheegay sarkaal ka tirsan waaxda gurmadka deg dega ah oo goobta gaaray qaraxa ka dib.

Qaraxa ayaa sidoo kale burburiyay guud ahaan maqaayada weerarku ka dhacay.

Ma jirto cid sheegatay masuuliyada weerarka balse dhacdooyinka nuucaan ah waxaa looga bartay kooxda Al Shabaab oo inta badan fulisa weerarada ka dhan ah askarta dowladda iyo kuwa caalamiga ah ee ku sugan dalka.

Dhanka kale, qarax labaad ayaa caawa wuxuu ka dhacay degmada Dharkiinlay ee Muqdisho, kaasoo loo adeegsaday gaari waxyaabaha qarxa laga soo buuxiyay, lamana oga khasaaraha ka dhashay.

Qaraxaan ayaa imaanaya iyada oo Afhayeenka xukuumadda Soomaaliya Maxamed Ibraahim Macalimuu qarax ismiidamain ah lagu dhaawacau Axadii xilli wadanka uu ka jiro khalaaf siyaasadeed oo u dhaxeeya madaxweynaha mudo xileedkiisu dhamaaday Maxamed Cabdullaahi Farmaajo iyo ra’iisul wasaaraha xukumadda Xilgaarsiinta ah Maxamed Xuseen Rooble.

Loolanka siyaasadeed iyo awood yaraan dowladda ayaa qeyb weyn ka qaatay caawinta Al-Shabaab si ay fariisimo uga sameystaan dalka. Khilaafaadka guduhu waxa kale oo uu qayb ka qaadan karaa ogolaanshaha Al Shabaab in xoojiyaan awoodooda Geeska Afrika marka la eego qalalaasaha siyaasadeed ee socda, iyo cadaadiska sii kordhaya ee ah la helo doorasho heshiis lagu yahay.

GAROWE ONLINE