Macalin ka tirsan Jaamcada SIMAD oo qarax lagu dhaawacay
-
- Posted On 07-01-2015, 10:49AM
January 7, 2014 (GO)- Macallin wax ka dhiga jaamacada SIMAD ayaa ku dhaawacmay qarax ka dhacay xaafada Taleex oo ka tirsan degamada Hodon ee magaalada Muqdisho.
Qaraxa ayaa sida lagu soo waramayo ka dhashay bam horay loogu sii xiray gaariga.
Macalinka oo lagu magacaabo Cabdixakiim, dhaawac culus ayaa soo gaaray, waxayna wararka hordhaca ah ee xaaladiisa caafimaad laga helayaa sheegayaan in luguhu ka go'een.
Mas'uuliyada weerarka weli cidi ma sheegan, haseyeeshee Al-shabaab ayaa horay u sheegtay qaraxyo caynkan oo kale ahaa oo lagu laayey mas'uuliyin dowlada ka tirsanaa.
Bil kahor waxaa isla degmada Hodon lagu toogtey Ibraahim Maxamuud Xaamud oo ka tirsanaa maamulka sare ee Jaamacada SIMAD.
Jaamacadda SIMAD oo kamid ah kuwa ugu waaweyn magaalada Muqdisho waxaa gudoomiye kasoo ahaan jirey Xasan Sheekh Maxamuud kahor intaan loo dooran madaxweynaha dalka.
GAROWE ONLINE
