Madaxweynaha Jubaland oo la kulmay wufuud ka socotey EU iyo IGAD

Image
Image
Image
Image
Image

December 14, 2014 (GO)- Madaxweynaha Jubaland Axmed Maxamed Islaan Axmed Madoobe ayaa maanta kulan saddex geesood ahaa magaalada Kismaayo kula qaatey wufuud ka kala socotey Midowga Yurub iyo IGAD.

Wafdiga reer Yurub waxaa hogaaminayey wakiilka Miowga Yurub u jooga Somaliya Michele Cervone waxaana qayb ka ahaa safiirro ka socdey dalalka: Sweden, Italy iyo UK.

Waxaa sidoo kale kulankaas ka qayb galay xubno ka socdey Urur Goboleedka IGAD iyo safiirka dowladda Itoobiya u jooga Soomaaliya.

Qodobo dhowr ah ayaa kulankaas layskula soo qaaday, waxase ugu muhiimsanaa xoojinta ammaanka, dhamaystirka maamulka, la-dagaalanka Al-shabaab iyo hirgelinta heshiiskii mideynta ciidamada ee dhowaan Jubaland iyo Dowladda Federaalku kala saxiixdeen.

Axmed Madoobe iyo Michele Cervone oo markii uu kulankaasi soo gaba gaboobay kadib si kooban warbaahinta ula hadlay, waxay sheegeen in laysku afgartay dhammaan qodobadii laga wada hadlay.

Madaxweynaha Jubaland oo muddo bil ah safarro shaqo dalka dibadiisa ugu maqnaa isla gelinkii hore ee maanta ayuu dib Kismaayo ugu soo laabtey.

GAROWE ONLINE

Related Articles

Dhaqaale Xumo iyo Isbeddelada Hoggaamineed oo Saameyn ku yeeshay Dagaalka Al-Shabaab

Dhibaatada Ciidamada dowladda ayaa muujineysa baahida loo qabo dib-u-habeyn dhameystiran oo ku saabsan hoggaanka.

  • Soomaliya

    16-05-2025

  • 09:14AM

Dibadbax rabshado wata oo ka dhacay magaaladda Burco

Dadka mudaharaadka dhigayay ayaa sheegay in haddii maxaabiista la sii daynayo maxaabiista SSC-Khaatumo.

  • Soomaliya

    15-05-2025

  • 05:13PM