Madaxweynaha maamulka Koonfur Galbeed oo gaarey Kismayo
-
- Posted On 27-12-2014, 07:45PM
Dec 27,2014 [GO]- Madaxweynaha maamuulka Koonfur Galbeed ee Somalia Shariif Xasan Sheekh Aadan ayaa maanta gaaray magalada Kismaayo ee xarunta maamulka Jubbaland.
Wafdiga Shariif Xasan ayaa waxaa garoonka diyaaradaha magalada Kismaayo ku soo dhaweeyay madaxda maamulka Jubbaland oo uu hogaaminayo Madaxweyne Axmed Maxamed Islaan Madoobe, Wasiirro, odayaasha dhaqanka iyo qeybaha kala duwan ee bulshada.
Soo dhaweyn kaddib wafdiga Madaxweynaha maamulka Koonfur Galbeed Shariif Xasan waxaa loo gudbiyay xarunta madaxtooyada maamulka Jubbaland halkaasoo kulan saacado socdey wada qaateen dhigiisa Mud. Axmed Madoobe.
Ugu horeyn waxaa saxafada la hadlay markii uu dhammaaday kulankaan Madaxweynaha maamulka Koonfur galbeed Shariif Xasan, isagoo maamulka Jubbaland uga mahad celiyey soo dhaweyntii heerka sare eheyd ee loo sameeyay.
Dhanka Kale Madaxweynaha maamulka Jubbaland Axmed Madoobe oo la hadlay saxaafada ayaa sheegay in labada maamul iska kaashan doonaan amaanka iyo arrimaha Ganacsiga.
GAROWEONLINE
