Madaxweynaha DF oo ka dalbadey wadamada Carabta maalgashi
-
- Posted On 10-05-2015, 07:16PM
MUQDISHO 10 May, 2015 (GO)- Madaxweynaha dowlada Federaalka oo maanta xafiiskiisa kula kulmey danjiraaysha wadamada Carabta ka jooga magaalada Muqdisho ayaa ka dalbadey in maalgashi ku sameeyaan dalka Somalia.
Xasan Shiikh oo danjiraaysha uga warbixiyey xaalada dhaqaale, siyaasdeed, amni, maalgashi iyo higsiga 2016 halka ay mareyso, ayaa sheegey in Somalia ku jirto wadadii dib u soo kabashada.
Mud. Xasan Shiikh ayaa u sheegey wakiilada wadamada Carabta u fadhiya Muqdisho in gobolada dalka gabi ahaanba leeyihiin khayraad kala duwan islamarkaana ganacsatada wadamada Carabta laga filayo maalgashi ay ku samaeeyaan.
Dhinaca kale madaxweyne Xasn Shiikh ayaa ka codsadey diblomaasiyiintaan in badeecada Somalia u furaan suuqyadooda si dhaqaale ahaan wadanku u sameeyo dib-u-soo kabasho.
Danjiryaasha ayaa dhinacooda soo dhoweeyey codsiga madaxweynaha Somalia islamarkaana uga mahad celiyey warbiixinta kooban oo uu ka siiyey xaalada wadanka halka ay mareyso.
GAROWEONLINE
