Madaxweynaha Somaliland oo gaarey Abu Dhabi
-
- Posted On 06-06-2015, 05:35PM
June 6, 2015 (GO)- Madaxweynaha Somaliland Axmed Maxamed (Siilaanyo) iyo wafdi uu hoggaaminayo ayaa maanta gaarey magaalada Abu Dhabi ee xarunta dalka Imaaraadka Carabta.
Booqashada Siilaanyo ayaa la xiriirta hirgelinta mashruuc biyo gelin ah oo Imaaraadku horay u ballan qaadey inuu ka fulin doono magaalada caasimadda ah ee Hargeysa iyo xarunta gobolka Togdheer ee Burco. Mashruucaas waxaa fulin doonta hay'adda Al-khalifa Foundation.
Wararka ayaa intaas ku daraya in booqashada Siilaanyo la xiriirto sidoo kale in dowladda Imaaraadka kala hadlo inay gaadiidka dagaalka siiso ciidamada Somaliland, maadaama dhowaan Imaaraadku 11 gaari oo nooca gaashaaman ah siiyey Puntland (6 xabo) iyo Jubaland (5xabo).
GAROWE ONLINE
