Magacyada musharaxiinta guddonka aqalka hoose ee Barlamanka Federaalka Somalia

MUQDISHU, Somalia- Aqalka hoose ee Barlamanka Federaalka Somalia oo ku guda jira diyaargarowga doorashada gudoomiyaha golaha shacabka iyo labadiisa ku xigeen ayaa waxaa guddiyada qaban-qaabada doorashada loo soo gudbiyey liiska magacyada musharaxiinta u tartamaya xilalkaan.

Gudoomiyaha aqalka hoose ee Barlamanka Federaalka Somalia ayaa waxaa u sharaxan saddex musharax kuwasoo ay ku jiraan gudoomiyahii hore ee golaha wakiilada waqtigiisu dhamaadey iyo xildhibaan ka tirsanaan jirey aqalka waqtigiisu dhamaadey.

Musharaxiinta u sharaxan xilka gudoomiyaha aqalka hoose ee Barlamanka Federaalka ayaa kala ah; Maxamad Cismaan Jawaari, Cabdirashid Maxamad Xidig iyo Cabdifataax Maxamad Ibraahim Geesey.

Musharaxiinta gudoomiyaha 1aad ee aqalka hoose ee Barlamanka Federaalka Somalia ayaa ilaa hadda waxaa mahacayadooda warsidaha GO ogaadey:

1-Siciid Xusseen Ciid 

2-Khadiijo Maxamad Diiriye 

3- Cabdiweli Ibraahim Muudey 

4-khaalid Macow Cabdulqaadir 

5_ jaylaani Nuur Ikar

Gudoomiye ku xigeenka 2aad oo maraya 7 musharax ayaa ilaa iminka waxaa na soo gaarey xubnahaan; 

1-Burhaan Adan Cumar 

2- Mahad Cawad 

Tartanka gudoomiyaha aqalka hoose ee Barlamanka ayaa ah mid siyaasadeysan iyadoo xubnaha musharaxiinta madaxweynaha qaarkood kala tageersan yihiin xubnaha saddexda ah ee u sharaxan xilkaan.

Madaxweynaha maamulka Koonfur Galbeed oo ah musharax u taagan xilka madaxweynaha Somalia ayaa taggeraya Cabdirashid Maxamad Xidig. Xidig ayaa kasoo jeeda beesha Daarood kuwasoo musharaxiin farabadan u tartamayaan xilka madaxweynaha Somalia.

GAROWEONLINE