Muqdisho: ciidamo qarax lagula beegsaday degmada Hodon
-
- Posted On 24-06-2015, 10:48AM
June 24, 2015 (GO)- Qarax ayaa goor dhow ka dhacay meel u dhow fagaaraha Tarabuunka oo ku yaal degmada Hodon ee magaalada Muqdisho.
Gaari ay la socdeen ciidamo ka tisran kuwa Dowladda Federaalka Soomaaliya ayaa lagu qarxiyey miino nooca meesha fog laga hago ah oo jidka dhinaciisa lasii dhigay.
Askarta la qarxiyey qaar kamid ah ayaa rasaas furay, rasaastaas oo sida lagu soo warramayo waxyeelo kasoo gaartey dad rayid ah oo goobta ka ag dhowaa.
Faah faahin dheeri ah lagama hayo khasaaraha uu weerarkani geystey, haseyeeshee wixii warar ah oo kasoo kordha dib ayaan idiinka soo gudbin doonnaa.
GAROWE ONLINE
