Garowe: qarax lala beegsadey gaari Qaramada Midoobey leedahay
-
- Posted On 20-04-2015, 05:36AM
GAROWE, April 20, 2015 (GO)- Magaalada Garowe waxaa goor dhow ka dhacay qarax xooggan oo lala beegsaday gaari bus ah oo ay la socdeen qaar kamid ah shaqaalaha xarunta Qaramada Midoobey ee Garowe.
Wararka hordhaca ah ee Garowe Online helayso ayaa sheegaya in qaraxu ka dhashay miino xilli hore gaariga lagu sii rakibey.
Wararku waxay intaas ku darayaan in qaraxa ay ku dhinteen siddeed qof oo isugu jirey shan ajnabi ah iyo Afar Soomaali ah.
Mas'uuliyadda weerarkan ilaa iyo hadda cidna ma sheegan, balse magaalada Bosaso ayaa maalmihii lasoo dhaafey waxaa weerarro ka gaysanayey ururka Al-shabaab.
Qaraxan ayaa ah kii ugu horreeyey noociisa ee abid magaalada Garowe ka dhaca. Garowe Online kala soco faah faahin dheeri ah.
GAROWEONLINE
