Qoorqoor iyo Guudlaawe oo lagu soo dhaweeyay Muqdisho

Socdaalka labada hogaamiye ayaa kusoo aadaya xilli khilaafka Farmaajo iyo Rooble xoogeystay.

MUQDISHO, Soomaaliya - Madaxweynaha Dowladda Galmudug, Axmed Cabdi Kaariye iyo wafdi uu hoggaaminayay ayaa Maanta  soo gaaray magaalada Muqdishu ee caasimadda dalka.

Qoorqoor iyo wafdigiisa ayaa waxaa si diirran ugu soo dhaweeyay Garoonka Diyaaradaha ee Adan Cabdulle International Masuuliyiin ka tirsan Golaha Wasiirada XFS, Maamulka Gobolka Banaadir,  xubnaha labada aqal ee BFS, masuuliyiin iyo madax kale oo ka tirsan Dowladda Galmudug.

Dhanka kale, madaxweynaha Dowladda Hirshabeelle, Cali Guudlaawe Xuseen, iyo wafdi uu hoggaaminayo ayaa dhinaciisa wuxuu maanta soo gaaray Magaalada Muqdisho.

Guudlaawe iyo wafdigiisa waxaa garoonka diyaaradaha ee Aadan Cade Internationa Airport kusoo dhoweeyay Wasiirada Gaashaandhigga Amniga Wasiir Ku Xigeenka Warfaafin Xubnaha labada gole ee Dowladda iyo Masuuliyiin kale.

Socdaalka labada hogaamiye ayaa kusoo aadaya xilli khilaafka Farmaajo iyo Rooble xoogeystay lagana cabsi qabo in ay isku rogto gacan ka hadal maadaama saxaafadda hadalo isku-mariyeen.

GAROWE ONLINE