Ra'isal Wasaaraha oo gaarey magaalada Cadaado
-
- Posted On 31-05-2015, 10:32AM
May 31, 2015 (GO)- Ra'isal Wasaaraha Dowladda Federaalka Soomaaliya Cumar Cabdirashiid Sharmaarke ayaa gaarey magaalada Cadaado, halkaasoo lagu wado inuu maanta ka furmo wejiga labaad ee shirka dhismaha maamulka gobollada dhexe.
Wafdiga Ra'isal Wasaaraha oo ay ku jiraan xubno ka tirsan golaha wasiirrada iyo saraakiil ciidan, waxaa si diirran loogu soo dhoweeyey garoonka, waxaana intaas kadib loosoo gudbiyey goobta loogu talo galay inay degaan.
Horay waxaa degmada Cadaado ugu sugnaa wasiirro, xildhibaanno iyo in badan oo kamid ah isimmada iyo cuqaasha beelaha dega gobollada dhexe.
Faah faahin ku saabsan shirka Cadaado iyo booqashada Ra'isal Wasaare Sharma'arke degmadaas maanta ku gaarey dib ayaan idiinka soo gudbin doonnaa.
GAROWE ONLINE
