Ra'iisal wasaare Kheyre oo la kulmay Keating
-
- Posted On 05-04-2017, 02:57PM
MUQDUSHU, Somalia - Ra'iisal wasaaraha dowladda Federaalka Somalia, Xasan Cali Kheyre ayaa maanta xafiiskiisa ku qaabilay Ergayga QM u qaabilsan arrimaha Somalia Michael Keating.
Kheyre iyo Keating ayaa shirkooda uga hadlay abaaraha, Gurmadka shacabka, amniga, la dagaalanka musuq-maasuqa iyo Daah-furnaanta xukuumada cusub ee dalka.
Michael Keating ayaa u xaqiijiyay Xasan Cali Kheyre in beesha caalamka iyo QM ay taageero ka siinayaan dowladda sidii ay uga gudbi lahayd caqabadaha hor yaalla.
"Maadama la dhisay Gollaha wasiirrada, waa in dowladda cusub ay wax ka qabtaan dhibaatooyinka ka jira guud ahaan dalka Somalia, oo abaaraha, amniga iyo musuq-maasuqa kamid yihiin," ayuu yiri Keating.
RW Kheyre ayaa uga mahadecliyay Keating taageerada uu u muujiyay, isagoo xusay in gollaha wasiirada cusub ay la imaan doonaan waxqabad iyo hufnaan, si looga dhabeeyo himilada Shacabka Soomaaliyeed.
GAROWEONLINE
