Ra’isal wasaare Khayre oo safarkii ugu horeeyay Muqdishu uga dhoofay
-
- Posted On 13-05-2017, 01:08PM
MUQDISHU, Somalia- Ra’isal wasaaraha dowladda Federaalka Somalia, Xasan Cali Khayre ayaa maanta ka dhoofay magaalada Muqdishu caasumadda dalka isagoo kusii jeeda waddanka Qadar.
Wararka ku saabsan socdaalka Khayre ayaa sheegaya in Ra’isal wasaaruhu ka qayb galayo shir caalami ah oo looga hadli waxyaabo kala duwan oo ay jirto xaaladda Somalia.
Kulanka ayaa ka dhici doona magaalada Dooxa, waxaana loogu magax daray shirkaas “Dooxa Forum”.
Safarka Khayre waxaa ku weheliya xubno katirsan xukuumadda, sida ay sheegayaan wararka uu helayo Warsidaha GO.
Ilo ku dhow Xafiiska Ra’iisul Wasaare Kheyre ayaa GO u sheegay inuu mas’uulkan kulamo kala duwan la qaadan doono Madaxda dalkaasi.
Dowladda Qadar ayaa ka mid ah waddamada taageera Somalia islamarkaana qayb ka qaata mashaariicda hormarineed ee dalka kasocda.
Waa safarkii ugu horeeyay ee uu dalka kaga baxo Ra’iisul Wasaare Kheyre tan iyo markii la magacaabay.
GAROWEONLINE
