RW Somalia oo xukuumada cusub horgeynaya Barlamanka Federaalka ah
-
- Posted On 27-03-2017, 10:57PM
MUQDISHU, Somalia- Kulan Madaxweynaha Somalia, Ra'isla wasaraha Somalia iyo gudoomiyaha Barlamanka Federaalka ku dhexmarey Villa Somalia ayaa ku soo dhamaadey is-fahanwaa kadib markii la isku khilaafey dhismaha xukumada cusub.
Warsidaha GO ayaa fahansan in Ra'isal wasaraha Somalia ku adkeystey in maalinta Arbacada soo socota xukuumada cusub horkeeni doono Barlamanka Federaalka Somalia isagoo ganafka ku dhuftey in wax laga badalo dhismaha golaha wasiirada cusub.
Kulankaan ayaa waxaa goob joog ahaa Madaxweynaha Somalia isagoo qaadanayey door ah inuu dhexdhaxadiyo labada mas'uul oo kale.
Bur-burka kulankaan ayaa ku soo beegmaya xilli ay soo yeerayaan dhawaqyo Barlamanka cusub ee Somalia looga codsanayo iney ansaxiyaan xukumada cusub iyagoo eegaya danta ummada Somaliyeed islamarkaana fursad siinaya Madaxweynaha Somalia iyo Ra'isal wasaarihiisa kuwasoo lagu doortey codad aqlabiyad ah.
Magalaada Muqdishu ayaa waxaa ka socda dadaalo loogu jiro sidii xukuumada cusub ee Somalia loo ansaxin lahaa inta uusan dhamaan asbuucaan aan ku guddo jirno.
GAROWEONLINE
