Saraakiil katirsan Shabaab oo howlgal gaar ah lagu dilay [Magacyada]

MUQDISHO, Soomaaliya - Xubno sare oo katirsanaa Kooxda Al-Shabaab ayaa lagu dilay howlgal military oo ka dhacay gobolka Shabeellaha hoose, ee Koonfurta Soomaaliya.

War kasoo baxay taliska Ciidamada xoogga dalka, ayaa lagu sheegay in labo sarkaal oo lagu kala magacaabi jiray Macalin Xuseen iyo Farxaan Daajir oo Amniyat-ka Al-Shabaab, una qaabilsanaa gobolka ay ku dhinteen dagaal ka dhacay duleedka Qoryooley.

Farxaan ayaa la sheegay inuu kasoo dagaalamay dalka Suuriya, xili uu ka barbar dagaalamayay Al-Qaacidda, isagoo dhawaan dib ugu soo laabtay Soomaaliya, oo uu ku biiray Al-Shabaab.

Al-Shabaab wali dhinkeeda wax war ah kama aysan soo bixin sheegashadda Taliska ciidanka ee gobolka Shabeellaha Hoose.

Ciidanka xooga ayaa guluf dagaal iyo howlgallo ka dhan ah Al-Shabaab kawada gobolka, taasoo qeyb ka ah olale la doonayo in Kooxdan looga saaro tuulooyinka ay gobolka ka maamulaan.

Wararkii ugu dambeeyay ayaa sheegaya in Ciidamada DF iyo kuwa AMISOM ay howlgallo kawadaan degaano dhaw Qoryooley. [Halkan ka akhri warbixin]

GAROWE ONLINE