Shir looga hadlayo dib u eegista Dastuurka oo ka furmay Muqdishu [Sawirro]
-
- Posted On 14-05-2017, 12:42PM
MUQDISHU, Somalia - Shir looga hadlayo dib u eegista Dastuurka Somalia ayaa ka furmay magaalada Muqdishu, kaasi oo ay soo qaban-qaabisay Wasaarada Dastuurka dowladda Federaalka Somalia.
Shirka waxaa ka qeyb galay, Guddoomiyaha Barlamanka, Ra'iisal Wasaare ku xigeenka, Wasiirka Dastuurka, Wasiirka Arrimaha Gudaha Dowladda Federaalka iyo Wasiirrada Dastuurka maamul goboleedyadda Somalia.
Wasiirka dastuurka, Cabdiraxmaan Xoosh Jibriil oo Shirka Furay ayaa sheegay in Kulanka Ujeedkiisu yahay in dowladda dhexe ay aruuriso aragtiyadda Maamullada ee ku aadan dib u eegista dastuurka.
Ra'iisal Wasaare ku xigeenka dowladda Somalia Mahdi Maxamed Guuleed iyo mas'uuliyiin kale oo kamid ah dowladda, ayaa ka qeyb-galaya Shirkaasi oo socon doono mudo saddex maalmood ah ayaa barnaamijkan soo dhaweeyay.
Wasaaradda Dastuurka Somalia, ayaa wadda dadaallo dib loogu eegayo dastuurka oo la filayo in wax laga bedelo, kadibna lagu meel mariyo afti dadweyne kahor doorashada sanadka 2021.
GAROWEONLINE
