Somalia: Al shabaab oo dib ula wareegay deegaan ku dhaw Afgooye

Image

AFGOYE, Somalia - Malleeshiyada Kooxda Al shabaab ayaa dib ula wareegtay saaka deegaanka Mareerey, oo ku yaalla duleedka Waqooyi ee degmada Afgooye, ee gobolka Shabeellaha hoose.

Goobjoogayaal ayaa GO u sheegay in Qabsashada Mareerey, ayaa ka dambeeyay, markii ciidamada Dowladda Somalia iyo kuwa AMISOM isaga baxeen Deegaanka.

Mareerey ayaa shalay waxaa ka dhacay dagaal culus, oo u dhaxeeya ciidamada dowladda iyo Al shabaab, kaasi oo lagu dilay ku dhawaad 5 ruux, oo isugu jira shacab iyo dhinacyadii dagaalamay.

Maamulka degmada Afgooye wali kama aysan hadlin la wareegista deegaanka.

Ma ahan deegaankii ugu horeeyay oo ay ka baxaan ciidamada huwanta ah gobolka Shabeellaha hoose, islamarkaana ay dib ula wareegaan xoogaga ururka Al shabaab.

Inta u dhaxaysa degmooyinka Afgooye iyo Wanlaweyn waxaa ku xooggan Al shabaab, oo inta badan weeraro jidgal ah, ku qaada Kolonyada gaadiidka ciidanka SNA iyo AMISOM.

GAROWEONLINE


Related Articles

Maraykanka oo Sheegay In Uusan Wadahadallo Kula Jirin Somaliland Si Loo Aqoonsado

Madaxweyne Trump ayaa dhawaan mar kale muujiyay xiisaha uu u qabo arrimaha amniga ee Soomaaliya.

  • Soomaliya

    28-08-2025

  • 05:02PM

Kenya oo Dhex-dhexaadinaysa Xasan Sheekh iyo Axmed Madoobe

Khilaafkan siyaasadeed wuxuu imaanayaa xilli uu muran xooggan ka taagan yahay wax ka beddelka dastuurka.

  • Soomaliya

    28-08-2025

  • 01:02PM