Wafdi kasocda Jabuti oo gaaray Baladweyne
-
- Posted On 13-02-2016, 03:03PM
BALADWEYNE- Waxaa maanta magalada Baladweyne xarunta gobolka Hiiraan gaaray wafdi uu hogaaminayo danjiraha dalka Jabuti u fadhiya Somalia, Dayib Dubbad Rooble, waxaana wehelinayay saraakiil katirsan ciidanka dalka ee Somalia nabad ilaalint au jogaa.
Soo dhaweyn ayaa loogu sameyay Baladweyne iyagoo kawarbixiyay ujeedka safarkooda, waxayna shegeen inay u socdeen labo qorshe oo midkood ahaa dhismaha maamulka gobollada Hiiraan iyo Shabeellaha dhexe.
Wakiilka waddanka Jabuti Dubad Rooble, ayaa sheegay in Madaxweynaha dalkaasi Ismaaciil Cumar Geelle iyo shacabka Jabuti ka go'antahay qaabkii wax looga badali lahaa amniga Somalia islamarkaana kor loogu qaadi lahaa hormarka iyo kala dambaynta.
Wuxuu sheegay inay sidoo kale u kuurgali doonaan xaaladda ciidamooda kusugan gobolka Hiiraan.
Dalka Jubuti, ayaa kamid ah waddamada ciidamadoodu joogaan Somalia ee qaybta ka ah AMISMO, waxaan booqashada Hiiraan kusoo beegmaysa xilli hakad uu kujiro dhismaha maamul loo sameeyay gobollada Hiiraan iyo Shabeellaha dhexe, waloow uu hakad galay kadib khilaafaad hareeyay.
GAROWEONLINE
