Somalia: Wariye Hanad Ali Guuleed oo lasii daayay

Image

MUQDISHU, Somalia - Wariye Hanad Cali Guuleed, oo shalay subax kooxo hubaysan ay ka afduubteen wadada xiriirisa magaalada Muqdishu iyo Afgooye ayaa dib u helay xorriyadiisa isagoo bad-qaba.

Idaacadda Madaxa-bannaan ee Goobjooge News, ayaa saaka xaqiijisay in Wariyahaas laga helay degmada Afgooye isagoo jeebaysan.

Lama oga cid ilaa hadda ka dambaysay afduubka Guuleed oo soo saare ka ahaa Iddaacadda iyo TV-ga Goob joog.

Afduubka ayaa dhacay shalay subaxnimadii xilli Hanad uu kasoo socday Hoygiisa deegaanka Tareedishe, kuna sii jeeday xarunta Idaacadda oo ku taalla KM-5 ama Zoobe.

Hanad oo Qoyskiisa kasoo wacay Goob uusan aqoon, ayaa u sheegay in si xun ay u jirdileen kuwa afduubka u haysta, oo aan la ogeyn waxa ay ka doonayaan Wariyaha, oo Madaxa Wararka ka ah Goobjoog News.

Xaaska uu qabo Hanad Cali Guuleed ayaa shalay u sheegtay Warbaahinta Muqdishu in afduubka uu ka yimid markii xalay laga soo wacay Taleefoonkiisa gacanta, looguna caga-jugleeyay in la dilayo.

Hanad maalmihii ugu dambeeyay waxa uu ka shaqeynayay Barnaamij loogu magac-daray "Media for Aid", oo looga hadlo arrimaha gurmadka bini'aadanimada, ee loo sameynayo dadka barakacayaasha ah.

Inta badan Wariyaasha Somalida ayaa ku shaqeeya xaalad adag iyagoo dhibaatooyin kala kulma kooxaha argagixisada iyo dowladda intaba.

GAROWEONLINE

Related Articles

Muxuu ku saabsan yahay Heshiiska cusub ee Jabuuti la gashay dowladda Soomaaliya?

Soomaaliya iyo Jabuuti ayaa leh xiriir taariikhi ah oo ku saleysan hiddo, dhaqan iyo dano dhaqaale oo ay wadaagaan.

  • Soomaliya

    31-08-2025

  • 08:51AM

Masar oo caqabado kala kulmaysa Ciidamada ay usoo dirayso Soomaaliya

Kulanka oo ka dhacay xarunta wasaaradda ayaa ujeedkiisu ahaa in lagu xoojiyo xiriirka difaaca ee Soomaaliya iyo Masar.

  • Soomaliya

    31-08-2025

  • 08:18AM