Soomaaliya oo garab-istaag u muujisay Afghanistan
-
WARIYAHA CAALAMKA GAROWE ONLINE
- Posted On 19-12-2021, 04:32PM
ISLAMABAD, Pakistan - Wasiirka Arrimaha Dibadda iyo Iskaashiga Caalamiga ah, Cabdisaciid Muuse Cali, ayaa magaalada Islamabad ee dalka Baakistaan kaga qayb galay shir caalami ah.
Kulankaas ayaa wuxuu yahay Meertada 17-aad ee Shirka aan Caadiga ahayn ee Wasiirrada Arrimaha Dibadda ee dalalka ku bahoobay Ururka Iskaashiga Islaamka.
Shirkan ayaa looga hadlayey wax ka qabashada xaaladda bini'aadannimo ee ka jirta dalka Afgaanistaan. Wasiir Cabdisaciid Muuse Cali ayaa muujiyey in Soomaaliya ay garab taagan tahay dadka reer Afgaanistaan.
Wasaaradda ayaa sheegtay in Cali uu Ururka Iskaashiga Islaamka iyo guud ahaan Beesha Caalamka ugu baaqay in xal degdeg loo helo xaaladda bini'aadannimo ee ka jirta Dalkaas.
Taliban ayaa muddo sanado badan ah kadib waxay kusoo laabatay hogaaminta dalka Afghanistan kadib markii ay meesha ka baxdey dowladdii ay beesha caalamka ku taageereysay balaayiinka.
GAROWE ONLINE
