Soomaaliya oo yeelanaysa ciidamo la dagaalama Musuq-maasuqa
-
Wariyaha Muqdisho GAROWE ONLINE
- Posted On 05-07-2018, 10:13AM
MUQDISHO, Soomaaliya - Taliyaha ciidanka Booliska Soomaaliya, Jeneraal Bashiir Cabdi Maxamed, ayaa sheegay inay wadaan qorshe ay ku her-gelinayaan ciidamada la dagaalanka Musuq-maasuqa, oo uusan dalka lahayn tan iyo burburkii 1991-dii.
Jeneraal Bashiir ayaa xusay in ciidamadaan ay howshooda noqoan doonto inay dabagal iyo baaris qarsoodi ku sameeyaan Xafiisyadda Hay'addaha kala duwan ee dowladda si looga hortago Musuq-maasuqa baahsan ee xilligan dalka ka jira.
Isagoo hadalkiisa sii wata ayaa ugu baaqay ciidamada Booliska in aysan dhibaatayn Shacabka, islamarkaana ay u dhimriyaan, maadaama ay iyagu yihiin kuwa u adeega rayidka, loona xilsaarey inay sugaan amniga.
Hay'addaa dowladda Federaalka ayaa lagu eedeeyaa inay daah-shadeen Musuq-maasuq, taasoo sababta in sanad walba ay safka hore ka gasho Soomaaliya liiska dalalka ugu musuqa badan caalamka.
Go'aanlan uu ka dhawaajiyay Taliyaha Booliska ayaa loo arkaa mid wax ka bedali karta dhibaatooyinka Musuqa la xiriira, hadii si fiican loo dhaqan-geliyo.
GAROWE ONLINE
