Tababar loosoo xiray ciidan sugaya amniga doorashada
-
WARIYAHA HARGEYSA
- Posted On 19-10-2021, 12:44PM
MUQDISHO, Soomaaliya - Xubno ka mida Guddiyada Doorashooyinka Heer Dowlad goboleed Galmudug (SEIT) iyo Heer Federaal (FEIT) ayaa maanta booqday xarunta hawlgaladda Amniga Doorashooyinka gaar ahaan magaalada Gaalkacyo, halkaa oo ay tababar ugu soo xireen saraakiil iyo ciidamo loo tababaray sugidda xarunta Amniga howlgalka Doorashada.
Munaasabada xiritaanka waxaa ka qeyb galay maamulka Gobolka Mudug, Duqa Degmadda Gaalkacyo ku xigeenkiisa, iyo Taliyayaasha laamaha Amniga ee Degmada Gaalkacyo.
Munaasabadaa ayaa shahaadooyin lagu gudoonsiiyey ciidanka iyo saraakiisha loo tababaray maamulka iyo gacan ku haynta xarunta amniga Doorashooyinka magaaladda Gaalkacyo.
Xubnaha Guddiyada Doorashooyinka waxay kormeer ku sameeyeen goobaha loo asteeyay inay ka dhacdo Doorashadu.
GAROWE ONLINE
