Tirada xildhibaanada oo isku dhow iyo saxaafadda oo banaanka loo saarey
-
- Posted On 24-11-2014, 08:38AM
November 24, 2014 (GO)- Wararka naga soo gaaraya hoolka shirarka ee Baarlamaanka Dowlada Federaalka ayaa sheegaya inay isku dhowdahay tirada xildhibaanada mooshinka diidan iyo kuwa soo gudbiyey ee soo xaadiray fadhiga maanta.
Dhanka kale fowdo iyo buuq ayaa weli kasii soconaya xarunta baarlamaanka iyadoo la arki karo tobanaan boolis ah oo goobta ku sugan si hadii xaaladu faraha ka baxdo ay u xakameeyaan.
Gudoomiyaha baarlamaanka ayaan weli soo gaarin xarunta baarlamaanka iyadoo qorshuhu ahaa inuu yimaado marka saacadda geeska Afrikada bari tahay 9:000 subaxnimo.
Jawaari oo maalmo kahor warbaahinta la hadley wuxuu sheegay in tallaabo sharciga waafaqsan laga qaadi doono xildhibaankii isku daya inuu kulanka maanta fowdeeyo.
Faah faahin dheeri ah dib ayaan idiinka soo gudbin doonaa...
GAROWE ONLINE
