Xildhibaan Carab "ka yeeli mayno dowladda inay waqtiga kororsato" DHEGEYSO
-
- Posted On 30-07-2015, 12:09PM
July 30, 2015 (GO)- Gudoomiyaha Guddiga Arrimaha Difaaca ee Barlammaanka Soomaaliya, Xuseen Carab Ciise, oo lahadlay warbaahinta ayaa sheegay inay tahay arrin nasiib darro ah inaysan dalka Soomaaliya ka dhici doonin doorashooyinkii loo balansanaa sanadka 2016.
Xuseen ayaa sheegay in xukuumadda xilligaan jirta iyo dowladda Madaxweyne Xasan Sheekh hoggaamiyo lagala xisaabtami doono sababaha keenay in ay habsaamaan shaqooyinkaas muhiimka ahi.
Xildhibaanka ayaa tilmaamay inay muhiim tahay in sanadka dambe Soomaaliya ka dhacdo doorasho, nooca ay doontaba ha ahaatee.
Ugu dambeyntii wuxuu carrabka ku adkeeyey in xukuumadda hadda jirta aan laga yeeli doonin inay waqtiga kororsato.
Dowladda Federaalka Soomaaliya ee uu hoggaamiyo Madaxweyne Xasan ayaa ku fashilantay in badan oo kamid ah balan qaadyadii ay horay u samaysay, gaar ahaan ballan-qaadkii ahaa in dalka doorasho hal qof iyo hal cod ahi ka dhici doonto marka la gaaro sanadka 2016.
GAROWE ONLINE
