Imaaraadka oo u yeeray Madaxweynaha Somaliland [Daawo]
-
Wariyaha Muqdisho GAROWE ONLINE
- Posted On 09-03-2019, 04:18PM
HARGEYSA, Somaliland - Madaxweynaha Somaliland, Muuse Biixi Cabdi iyo wafdi uu hogaaminayo ayaa maanta oo sabti ah u ambabaxay dalka Imaaraadka.
Afhayeenka Madaxtooyadda, Maxamuud Warsame Jaamac ayaa sheegay in safarka Muuse Biixi uu yimid kadib markii dowladda Imaaraadka casuumaad usoo dirtay.
Madaxweyne Muuse Biixi ayaa waxaa booqashadiisa ku wehelinayaan wasiirrada Macdanta iyo Tamarta, Diinta iyo Awqaafta, Ganacsiga Wershedaha iyo Dalxiiska.
Safarka Muuse Biixi oo ah mid shaqo ayaa qaadan doonaa muddo maalmo ah, waxaana inta uu ku sugan yahay magaaladda Abu Dhabi kulamo la qaadan doonaa Madaxda Imaaraadka iyo saraakiisha DP World.
Safarka Muuse Biixi ayaa ah midkii labaad ee uu dalkaas Imaaraadka ku tago tan iyo intii uu hoggaanka Somaliland qabtay, November 2017.
DP World ee laga leeyahay Imaaraadka ayaa maalgashi ku sameynaysa Dekadda Berbera, kadib markii heshiis ay la gashay maamulka Somaliland.
HOOS KA DAAWO MUUQAALKA
GAROWE ONLINE
