Madaxweynaha Colombia oo dhaleeceeyay saxaafada aduunka
-
WARIYAHA CAALAMKA GAROWE ONLINE
- Posted On 23-09-2024, 04:47AM
DOOXA, Qadar - Madaxweynaha Colombia, Gustavo Petro, ayaa cambaareeyay aamusnaanta warbaahnta ee dagaalka Israel ee Gaza, isagoo ku adkeystay in xasuuq uu ka socdo Falastiin.
"Qof kasta oo difaacaya xasuuqan ama ka aamusa wajigiisa waxa uu baabi'iyay xaaladdooda bani'aadamnimo," Petro ayaa yiri Axaddii X.
"Waxay u egtahay in (wasiirka dacaayadaha Nazi-ga Joseph) Goebbels uu yahay kan hagaya warbaahinta adduunka si tobanaan kun oo saxafiyiin ah looga aamusiyo wejiga saaxiibadooda la dilay iyo 20,000 oo caruur ah oo bambaanooyinku jeexjeexeen," ayuu raaciyay.
Ugu yaraan saddex falastiiniyiin ah ayaa ku dhintay markii ciidamada Israa’iil ay duqeeyeen iskuul ay gabaad ka dhiganayeen dad barakacayaal ah oo ku yaalla bartamaha Qaza subaxnimadii hore ee Axadda.
Sida ay ku warantay wakaalada wararka Falastiin ee WAFA, ciidamada Israel ayaa beegsaday dabaqa sare ee dugsiga Khalid bin al-Walid ee magaalada Nuseirat.
Weerarka ayaa sidoo kale waxaa ku dhaawacmay dad kale oo badan.
GAROWE ONLINE
