Amiir William oo lagu dhaliilay hadal uu ku duray Afrika

Dhawaqan 39-jirkan oo buuq badan abuuray ayaa soo celiyey faallooyin uu jeediyay 2017-kii.

LONDON, Britain – Amiirka boqortooyadda UK ee Prince William ayaa la xasuusiyey "in uu nug u yeesho shaqadiisa" kadib markii uu sheegay in kororka bulshadda uu khatar ku yahay duurjoogta qaaradda Afrika.

Amiirka ayaa hadalkan buuqa dhaliyey wuxuu Talaadaddii todobaadkan uu sheegay isagoo ka hadlayay abaalmarinta ilaalinta Tusk ee London fiidnimadii.

William wuxuu sheegay in cadaadiska sii kordhaya ee qaaradda "duur-joogta iyo meelaha duurjoogta ah ee ka dhashay dadka bini'aadamka" ay soo bandhigayaan "caqabad weyn oo loogu talagalay ilaalinta, si la mid ah adduunka oo dhan".

Hadalka 39-jirkan ayaa soo celiyey faallooyin uu jeediyay 2017, markii uu sheegay in Afrika "dadweynaha bini'aadamka ee sida degdega ah u koraya" ay saarayaan duurjoogta iyo meelaha ay ku nool yihiin "cadaadis xooggan".

Dhawaqaas awgii, amiirka ayaa dhaleeceyn kala kulmay hadalkaas xilli laga sugayo dunidda saddexaad.

Khubarada ayaa saadaaliyay in dadka Afrika ay ku dhowdahay inay laban-laabmaan ilaa 2.5 bilyan oo qof sanadka 2050, taasoo laga yaabo inay hoy u noqoto in ka badan rubuc ka mid ah dadka adduunka bartamaha qarnigan.

Halka qaar ay amaaneen hadalada amiirka oo muujinaya khatarta ka soo wajahan dunida dabiiciga ah ee ka imaan karta kororka tirada dadka aduunka, qaar kale ayaa baraha bulshada ku dhaliilay mowqifkaas uu qaatay.

GAROWE ONLINE