Boqor Itoobiyaan ahaa oo Timihiisa dib loo soo celiyey

UK - Matxafka ciidamada dalka Ingriiska, ayaa ogolaadey iney dib ugu soo celiyaan Itoobiya xantoobo Timo ah oo ku taaley boqor Tewodros II, kaas oo dalkaas ka jirey 150 sano ka hor.

Boqor Tewodros ayaa is diley kadib markii uu diidey inuu isu dhiibo ciidamada Ingriiska 1868 markii looga adkaadey dagaal ka dhacey halka la yiraahdo Maqdala.

Ingriiska ayaa burburiyey xaruntiisa boqortooyada waxayna qaniimadii taaley ku gurteen dameero iyo Awr.

Dalka Itoobiya ayaa muddo olole ugu jirey sidii dib loogu soo celin lahaa waxyaalihii taarikhiga ahaa ee lagu bililiqeystey xaruntaas.

Waxay kaloo rabaan in dib looga soo celiyo aqalka boqortooyada Dalka Ingriiska  “Windsor” lafihii wiil uu dhaley boqorkaas oo la oran jirey Aleamyehu kaas oo yaala Matxaf ( Museum) ku yaal dhismahaas.