In ka badan 200 dagaalameyaal oo lagu dilay howlgal ciidan

Qaramada Midoobay ayaa sheegtay in ay heshay warbixino ku saabsan geerida dad shacab ah.

BOMAKO, Mali - Ciidamada Mali ayaa sheegay in howlgal ay ka fuliyeen bartamaha gobolka Saaxil ay ku dileen 203 dagaalyahan, iyadoo howlgalka nabad ilaalinta Qaramada Midoobay ee dalkaasi uu sheegay inay maqleen warbixinno ku saabsan dhimashada dad rayid ah, taasoo sare u qaadeysa walaaca dhanka xuquuqda aadanaha ah.

Ciidanku waxay sheegeen Jimcihii in hawlgalku uu ka dhacay gobolka Mora ee badhtamaha Maali intii u dhaxaysay 23-kii ilaa 31-kii March. Waxa ay qabteen 51 qof oo ay ku qabteen hub aad u badan, sida lagu sheegay bayaanka ciidanka.

Ku dhawaaqistan ayaa ku soo beegmaysa iyadoo warar badan oo baraha bulshada laga qoray todobaadkan Mali lagu sheegay in tobanaan qof oo ay ku jiraan dad rayid ah lagu dilay Mora.

Wakaalada wararka afka dheer ee laga leeyahay Faransiiska ee AFP waa ay awoodi wayday inay xaqiijiso tirada dhimashada ee ciidanka ama wararka baraha bulshada.

Isgaarsiinta goobaha colaadaha ee Mali ayaa aad u adag sababo ku aadan in dowlada ay aad u xakameysay ilaha madax-banaan ee laga helo macluumaadyada taasoo tuhun gelineysa sheegashadan.

Dalka ayaa todobaadyadii la soo dhaafay waxaa ka socday rabshado u muuqda kuwo kacsan. Qaramada Midoobay ayaa Jimcihii sheegtay in kumannaan qof oo ka soo cararay dagaallada ka socda Mali ay soo gaareen dalka Niger.

Maalin ka hor, howlgalka nabad ilaalinta Qaramada Midoobay ee loo yaqaan MINUSMA ayaa sheegay in ammaanka "si aad ah uu u xumaaday" ee xuduudka ay la wadaagaan Burkina Faso iyo Niger.

GAROWE ONLINE