Jabuuti oo laga hirgelinayo goob laga rido dayax-gacmeedka

Mashruuca ku kacaya hal bilyan doolar ayaa waxaa qeyb ka ah dhismaha deked iyo waddo caalami ah.

NAIROBI, Kenya - Jabuuti ayaa heshiis hal bilyan oo dollar ah la saxiixatay shirkadda Hong Kong Aerospace Technology Group si ay u sameysato gantaal iyo goobta dayax gacmeedka laga rido ee dalkaas.

Mashruuca ayaa sidoo kale waxaa ka mid ah dhismaha deked iyo waddo caalami ah oo laga dhisayo gobolka Obock ee waqooyiga si loogu daabulo agabka lagama maarmaanka u ah horumarinta goobaha hawada," ayuu madaxweynaha Jabuuti Ismaaciil Cumar Geelle ku sheegay hadal uu soo saaray goor dambe oo Isniintii ah.

Geelle oo rajo wanaagsan ka muujiyey in mashruucan uu si fiican u hirgalo ayaa wuxuu carabka ku adkeeyay in mashruucan uu qaadan doono muddo shan sano ah.

"Heshiisku waxa uu dhigayaa tanaasulka kama dambaysta ah ee kaabayaasha lagu dhisay dhinaca Jabuuti kadib 30 sano oo maamul wadaag ah," ayuu Geelle ku daray.

Jabuuti waa dal yar oo dhaca Geeska qaaradda Afrika, wuxuuna xuduud la leeyahay Soomaaliya dhanka koonfureed iyo badda cas iyo gacanka cadmeed ee bari.

Dalkan ayaa wuxuu leeyahay muhiimad istiraatijiyadeed maadaama uu ku yaal xarunta ugu weyn ee ciidamadda gaarka ah ee Mareykanka ee qaaradda Afrika.

Shiinaha, Japan, iyo Faransiiska - gumaystihii hore ee qaranka Jabuuti - ayaa sidoo kale saldhigyo ciidan ku leh dalkan. Tani waxay kusoo jeedisay waddankan indhaha caalamka gaar ahaan tartanka ciidamadda.

GAROWE ONLINE