Khasaarihii ugu horeeyay Qaraxyo iyo weerar lagu qaadey Hotel ku yaalla Nairobi

NAIROBI, Kenya - Weerar dheeraad ah ayaa kasoo baxaya weerar qaraxyo ku billowday oo lagu qaadey Dhismo Hotel iyo Dukaamo ka kooban oo ku yaalla galbeedka magaalada Nairobi, ee caasimadda dalka Kenya.

Labo qarax ayaa la maqlay iyadoo ay xigtay rasas ka dhacaysa Hotel-ka Dusit, iyadoo sawirro laga soo qaadey goobta ay muujinayaan gawaari dab qabsaday iyo dad laga soo saarayo.

Wargeyska The Star ayaa sheegay in ugu yaraan saddex ruux la xaqiijiyay inay ku dhinteen weerarka oo wali socda, iyadoo tiro dad ah ay ku dhaawacmeen, waxaana soconaya samatabixinta dadka ku xanniban gudaha.

"Waxaa nagu socda weerar, rasaas ayaan maqlaynaa, waxaana ku dhex xabbinahay gudaha hotel Dusit," ayuu yiri qof kamid ah dadka gudaha dhismaha ku jira, oo la hadlay Reuters.

Taliyaha Booliska Nairobi, Philip Ndolo ayaa sheegay in ciidamada gaarka Kenya ay la tacaalayaan ragga weerarka kusoo qaadey dhismaha, iyagoo xiray wadooyinka ku dhaw hotel Dusti.

Waa weerarkii labaad oo lagu qaado goob sidan oo kale muhiim u ah oo ku taalla Nairobi, iyadoo September 2013 Al Shabaab ay weerartay xarunta Westgate Mall oo lagu dilay 67 ruux.

GAROWE ONLINE